എന്‍ പ്രിയസഖീ, നീയെന്നെ
എത്രമേല്‍ സ്നേഹിക്കുന്നു.
താങ്ങുവാന്‍ കഴിയുന്നില്ല-
നിന്റെ ഈ സ്നേഹം
നിന്‍ സ്നേഹബാണമേറ്റു, ഞാന്‍
നിലത്തു വീഴും നേരം, നീ
അരികിലുണ്ടാവുമോ? എനിക്ക് മയങ്ങുവാന്‍
സ്നേഹമാം നിന്‍ മടിത്തട്ടുമായ്
നിന്റെ സ്നേഹത്തില്‍ പൊതിഞ്ഞ കൈവിരലുകള്‍
എന്‍ മുടിയിഴകളിലൂടെ തഴുകുന്നേരം-
പാതി മയക്കത്തിലെങ്കിലും, എന്‍ വിരല്‍
സ്പര്‍ശനം നീയും കൊതിച്ചുവോ?
നിന്‍ ചുടുചുംബനം അറിയുന്നു ഞാനെങ്കിലും
തിരിച്ചു നല്‍കുവാന്‍ കഴിയാതെ നിശ്ചലം
യാത്രയാകുന്നു ഞാന്‍ നശ്വരമാം ലോകത്തിലേക്കു
ഇനിയും മരിക്കാത്ത നിന്‍ സ്നേഹത്തിന്റെ
"ഓര്‍മ്മക്കുറിപ്പുകളുമായ്"
